នគរបាលប៉ុស្តិ៍ច្បារអំពៅ២ ខណ្ឌច្បារអំពៅ ចាប់ខ្លួនជនល្មើសម្នាក់ តាមដីកាបង្គាប់ឲ្យចាប់ខ្លួនចំនួន០២
16-June-2018 | ដោយ ពលមនសិការ
ភ្នំពេញ៖ កាលពីថ្ងៃទី១៥ ខែមិថុនា ឆ្នាំ២០១៨ វេលាម៉ោង២២និង៣០នាទី សមត្ថកិច្ចនគរបាលប៉ុស្តិ៍ច្បារអំពៅ២ ខណ្ឌច្បារអំពៅ ចាប់ខ្លួនជនល្មើសម្នាក់ តាមដីកាបង្គាប់ឲ្យចាប់ខ្លួនចំនួន០២។
១-ដីកាបង្គាប់ឲ្យចាប់ខ្លួនលេខ ៤៥ “ឌ” ដ.ច.ន ចុះថ្ងៃទី១៩ ខែមករា ឆ្នាំ២០១៨ ចេញដោយលោក អ៊ឹម វណ្ណៈ ចៅក្រមស៊ើបសួរ សាលាដំបូងរាជធានីភ្នំពេញ ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចផ្ទះគ្មានលេខ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ កាលពីថ្ងៃទី ១៦ ខែ ធ្នូ ឆ្នាំ២០១៧។
២-ដីកាបង្គាប់ឲ្យចាប់ខ្លួនលេខ ២១១ “ព” ដ.ច.ន ចុះថ្ងៃទី៣០ ខែមីនា ឆ្នាំ២០១៨ ចេញដោយលោក អ៊ី ឋាវរៈ ចៅក្រមស៊ើបសួរ សាលាដំបូងរាជធានីភ្នំពេញ ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចផ្ទះគ្មានលេខ ផ្លូវ ៣៦៩ ភូមិកណ្តាល១ សង្កាត់ច្បារអំពៅ២ ខណ្ឌច្បារអំពៅ កាលពីថ្ងៃទី ៣០ ខែ មករា ឆ្នាំ២០១៨។
លោកវរសេនីយ៍ទោ ម៉ៅ សឿត អធិការរងខណ្ឌច្បារអំពៅបានឲ្យដឹងថាជនល្មើសឈ្មោះ រស់ ប៊ុនថុល ហៅ ថ្លាង ភេទ ប្រុស អាយុ ៣៣ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ផ្លូវ ៣៥៧ ភូមិកណ្តាល សង្កាត់ច្បារអំពៅ២ ខណ្ឌច្បារអំពៅ។ ចាប់ខ្លួននៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។
បច្ចុប្បន្នជនសង្ស័យឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌច្បារអំពៅកសាងសំណុំរឿងដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ5461
- ម្សិលមិញ9421
- សប្តាហ៍នេះ61121
- ខែនេះ176271
- ឆ្នាំនេះ176271
- សរុប20618727